Ka Entrance Test neibynta ka Free Coaching Class kiwa kwah u yaleh MPSC wa DSC Exam, da pynman da ka Jaiñtia Career Coaching Centre (JCCC) haka 8 tarik uni u bnai ha Kiang Nangbah Government College, Jowai wei da man ko kawa lai bait wei da em hadooh 412 ngut ki khon khynroo khyllood na kylleiñ ka jylla khamtam na Ri-loom Jaiñtia kiwa da wan yaleh, neibhah kiwa thooh kreh boon bha ki katwa ki kaam wa lait ha ki chnat krehkaam waphær waphær won man ki kiwi duna.
Neiliang ka JCCC daw pynchur wei daw yarap ko ya ki khynnah hei wow pynkhreh ki yaki Exam yong ki. Chooh chooh ka JCCC da ong ko wa i pynkhreh yaka MPSC Exam daw yarap ko chiboon yaka mynried yong ki wot lym ye ki u Pass ha kani ka Exam.
Heijooh i por ka JCCC e khublei ko yaka Principal ka Kiang Nangbah Government College, Jowai wada e sñiawbha ko ki kamra yow pynman ya kani ka Entrance Exam.
Neiliang ka JCCC da kyrpaad ko yaka sorkar wow leh iyi re iyi yaki khynnah hei wow yarap ya kitu ki wym Pass ya kani ka Entrance Exam yow ye ki leh u e sikai yaki kamjooh.
