Jowai: Ka Durga Puja ha Jowai ya kawa da pynman da ka Sarbajan Durga Puja Committee ynne ka sngi da man ko lawa lai bait deiwa bood ya ki kyndon Standard Operating Procedure (SOP) wow yada nei poor ka khlam COVID-19.
Ha uni u snem da sakhi wa ka lehniam da man ko kawa khian heiwa ym em u pynriam ya ka luti wow lai cha Mandir kamjooh leh ym em ki dukan dukdoh kiwa dai tiar dai baam kamwa jooh tangwa da em du iwi i dukan wa dai ya ki baam wa thiang.
Da sakhi leh wa ym em u chna thymme ya ki Blai kamwa jooh lait na kiwa da em chwa tangwa da pynriam hi-eh ya kawi ka dieñ pachor wow pyndur yei man kyrpang kani ka lehniam.
Ya ka Mandir ha uni u snem da booh wow wai nadooh 6:00 i step hadooh 7:00 i miet wei da sait pynkhooid ya ka Mandir neipor cheipor.
Da pyntip leh wa mynstep kawa man ka sngi wow pynkut ya kani ka lehniam heiwa daw em du i pynngam-um (Immersion) ya ka pachor wa kyrpang namo ka Decked Up Plantain Tree khlem iwon iwon i lai kjat namo Procession kamwa jooh man khlieh u snem.
