Hadien wa mih boon kiwa pyrchah yei pynkut ya ka Shillong Cherry Blossom Festival myntu ka sngi Sunday, kani ka tamasa da man ko kawa lai bait khlem da em kiwon kiwon kiwa wan wow pynthut wei wow pyrchah ynne.
Kam wow pynkymoo wa ka sorkar hadien wa mih kiwa pyrchah, da kular ko wow sdang ya kani ka tamasa hadien 3:00 waje i sngi deiwa pyrkhat yei por wa pynman yaseiñ.
Ynne da sakhi leh yei boon ki bor pulit wa da emlang yow pyntikna wa lai bait waroh ki kaam.
Ka sorkar da booh mang poisa ko wow pynlut Rs. 1.99 klur yow pynman ya kani ka tamasa wei yow pynman ya ka da emkaam wow pynlut Rs. 8.49 klur iwa mut wa ka poisa wa tam kawa T. 6.99 klur daw pynmih biang ka deiwa dai Ticket wa lyngba ki Corporate Sponsorship.
Chooh chooh ka sorkar da dep pynche ko leh wa ymtoh ka wa pynman ya kani ka tamasa wei da kyrchaan poisa donhi ko wei hadooh ki tarik wa jied wow pynman ya kani ka tamasa da jied da kiwa pynman katkam ki sngi wa lait kiwa rwai wa tem khamtam kiwa wan na baar ri.
Ka sngi wa nyngkong kani ka tamasa ha uni u snem da hap wow pynpep ka neidaw wa wan u slap iwa da pynkmen bha ya kiwa pyrchah tangwa ynnin wa ynne da man i bneiñ wa rang heiwa kani ka tamasa leh da man ko kawa lait bait deiwa wan da ki hajar ngut ki paidbah.
Discussion about this post