Lai bait ka yakop khwe dakha ka Chutwakhu hanlada pynwit u slap

Jowai: Ka yakop khwe dakha wa pynman da ka Chutwakhu Social Welfare Local Durbar lyngba ka Sports and Youth Affairs Committee ynnin ka sngi da man ko kawa jop hanlada pynwit u slap.

Ka yakop khwe da pynman nadooh na Mupiah hawa poi Dieñ Yirngam lait noh ki bynta ka Syntu Ksiar.

Ha ka bichaar ya kiwa jop ynnin ka janmiet wa pynman ha Chutwakhu Indoor Sports Hall, heiwa da jied ya ki dakha wa jrong ym toh dei thaw khia.

Ha ki Dakha Pnar u Alleyoo Passah da yoh nyngkong u da ka dakha wa jrong 14.7 Inch wa yoh u na Ram Pyrthai, wa ar da yoh u Deimon Syngkon da ka dakha wa jrong 12.4 Inch wa yoh u na Ram Pyrthai, wa le da yoh u Wanbha Dan da ka dakha wa jrong 12.0 Inch wa yoh u na Ram Pyrthai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ki Dakha Dkhar won u Daruhi Passah da jop u da ka dakha wa jrong 14.3 Inch wa yoh u na Ram Pyrthai, wa ar u Alleyoo Passah da ka dakha wa jrong 12.12 Inch wa yoh u na Ram Pyrthai, wa le u Wanphrang Challam da ka dakha wa jrong 12.8 Inch wa yoh u na Khyllem.

Ha ki Dakha Ktung won u Waiphang Dkhar da jop u da ka dakha wa jrong 6.6 Inch kawa yoh u na Jaithli, wa ar u Wimiki Rymbai da ka Dakha wa jrong 5.5 Inch wa yoh na Lynter, wa le u Dauniwon Passah da ka dakha wa jrong 5.0 Inch wa yoh u  na Jaithli.

Kiwa jop da yoh ki ya poisa wa kamni ha wah:

1^st Prize Dakha Pnar T. 5000, Dakha Dkhar T. 5000, Dakha Ktung T. 1000

2^nd Prize Dakha Pnar T. 3000, Dakha Dkhar T. 3000, Dakha Ktung T. 700

3^rd Prize Prize Dakha Pnar T. 2000, Dakha Dkhar T. 2000, Dakha Ktung T. 500