Lai bait ka yalang ki seiñbhalang

Jowai : Ka yalang wa da khut da ki seiñbhalang ka Ri Loom Jaiñtia ynne ka janmiet ha Orchid Inn, Thadlaskeiñ da man ko kawa lai bait heiwa na ki Ynñiaw ngut ki MLA da wan poi du u MLA ka Sutnga Saipung Constituency u ma Hopeful Bamon katwa kiwi ki MLA ym ye u u wan poi cha ka.

Ya kani ka yalang da khut hadien i chah bom chah dat ki khynnah puræ ka Kiang Nangbah Government College ha ka 10 tarik uni u bnai haphrang ka Ophis u DC.

Ya kani ka yalang ynne ka janmiet da pynlai da u President ka JYF u Ma Poipynhun Majaw hei em ryngkat kiwi ki nognyalam ki seiñbhalang wapher wapher na Ri Loom Jaiñtia. U ma Hopeful Bamon hei klam yong oo da kular u wow chimkhia ya kini ki mat dawa yong ki seiñbhalang wei daw yaklam u leh para MLA hei yatoh wa ki.

Ki seiñbhalang da e dorkhat ki leh cha u ma Bamon heiwa da dawa ki :

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

1. Ka sorkar u e noh ko ya ki dawa ki khynnah ka KNGC.
2. Wow transfer ya u DC, u Arunkumar Kembhavi wa ya u Addl. SP u ma Shemphang Syrti na kani ka Distrik hapoh 15 sngi.
3. Wow su bailutsan cha kiwa mynsoo ha ini wa jia ha ka 10 tarik
4. Wow pyndam noh ya ka FIR. Khlem kyndon pyrchah ki khynnah puræ la KNGC wa ki seiñbhalang hapoh 24 kynta.

Na i liang ki seiñbhalang da pyntip leh wa lada ka sorkar ym pyndam ko ya ki FIR daw chong pyrkhat biang ko ya ki laad wow chim ki.

Kam wow pynkynmoo heini ya kani ka yalang ynne ka janmiet da khut pynman da ki seiñbhalang kiwa kynthup ya ka JSU, JYF, KSU, HNYF-WJZ, JNC, MPUF, HYC, JSM, NWYF, RJYF, JNU wa ka CRJM.