Ka KSU Laban Circle hei step synyaaw ka 10 tarik heipor kamwa 1:00 waje, da yoh ki wow kem ya ar ngut kiwa man kam ki dkhar Muslim na Oxford Hills kawa haap hapoh ka Dorbar Chnong Kenches Trace Oxford Rilbong wei hadien wa takit ya ki kot ki sla ym em ki iyi iyi leh wow pynyoo wa wan ki neiwon tangwa da wan yah ki cheini yow lai kreh mylla ha kawi ka yung kawa em ha Oxford.
Manda lai kynreh ya kani ka yung da chem sa soo ngut ki dkhar Muslim ki wym em ki kot ki sla wa biang wei da wan ki cha Meghalaya da ka kari kamai Tourist deiwa yoh yarap na uwi u bru uwa tip kam u Shajahan Ali uwa na Assam wei sah u leh ha Laban uwa pynbiang thaw sah ya kini ki bru.
Kamtæ da e kti ya kini ki 6 ngut cha ki pulit ka Rilbong Beat House ha katai ka kylla step.
Hei step ka 11 tarik da lai khyndang ya ka thaw sah u Shajahan Ali wei da beh syndon ka seiñ ya uni u bru.
Uni u bru da kam u ya idæ kam u Contractor uwa da jooh myllien wow wanrah ya kini ki bru na baar jylla wei ka seiñ da suba ko wa ye u man toh kiwa na Bangladesh.
Ka seiñ da maham ko leh ya ki tre yung wa e wai ya uni u bru wym toh u e wai cha ki bru kiwa wan na baar jylla khamtam ki dkhar Muslim neibhah wa dang khyndang ka sorkar Assam ya ki Muslim wa sah ha Assam kamjooh leh i long i man ha ri Bangladesh, heiwa ki dkhar Muslim dang em ki hei yut chnong.
Ka seiñ da chem ko leh wa em boon ki dkhar Muslim wa sah ha Laban kiwa jooh yarap ya ki para Muslim wei kiwa e thaw sah leh ya ki khlem da pyntip cha ki bor chnong wei neiliang ka dorbar chnong kattæ da pynman ki yei leh Survey yow tip ya ki dkhar Muslim wa chong wa sah ha Laban.
Discussion about this post