Jowai: U DC ka West Garo Hills u Ram Singh yow sñiawthooh kamjooh yow pynyoo pyrthai yei chitom ki warep khamtam ki kynthai kiwa kamai khian wa kiwa sah cha khloo hapoh Nokrek kiwa hap lai dei kjat yow pynpoi ya ki maar rep yong ki cha ki yaaw ki haat, da lai kjat lang u wa ki.
Neiliang u DC da bood lang u ya ki kattu katni ki kynthai warep heipor kit ki ya ki mar rep cha ki yaaw wa em cha ka chnong Tosekgre wa Darenchikgre kiwa jngai hadooh 14 Km heiwa oo leh da kit u chi kriah ki mar rep.
Kini ki warep da lai dai ki ya ki mar rep yong ki man ka sngi yaw wei da sdang ki yei lai kjat yong ki nadooh 3 waje i step wei da kit ki 25-30 Kg ki mar rep yong ki deiwa lai lyngba na khloo hanlada slap leh hadooh wa poi yaw wei da liwan ki dei kjat na ka jooh biang ka luti.
U DC da ong u du ka sarok psiang donhi wow ye u yarap ya ki wei da yoosuk won u leh wa kini ki bru ym em pynemkaam Plastic ki wow song ya ki mar rep wei da tymmoh ya ki mar rep yong ki da ka tarpal wei man ki leh ki bru wa chait wa khiah.
U DC da chem u leh wa kini ki bru da sap ki da ki slipar hawa lai luti wei da chah dait lymbdang ki leh wei oo uwa sap da ki juti leh dang yoh ka lymbdnang oo.
Da ong u leh heipor slap ka luti lai man ko kawa chitom bha hanlada kattæ leh dang chem u ya kawi ka bru kawa da 80 snem kawa kit ya ki mar rep kamwa leh kiwi.
U DC ha kani ka sngi da lai u hadooh ka yaaw Rongkhon wei da kyntu u ya ki paidbah wow pyrhat bha hawa yadait dor phi heipor thied jhoor phi naki.
Discussion about this post