Shillong: Ka Shillong Municipal Board ynne ka sngi, da lai biah Notice ko ya ki yung ki bru ha Them Iewmawlong deiwa phah wa ki toh u wan pynsakhiat ki deilang wa ki sabut cha kani ka yung krehkaam hapyrdi ka 03-06-19 hadooh ka 03-07-19 wa man ki kiwa sah katkam ka aiñ ha kani ka thaw.
Kani toh ka sien wa ar wa ka Shillong Municipal Board da hap ko wow leh biang yei chim yukheiñ bru ha kani ka thaw hadien wa da phah da ka High Level Committee (HLC) kawa da thung da ka sorkar kawa pait ya kani ka kaam.
Kam wow pynkynmoo wa ka sorkar da thung ko yaka HLC ynnin u snem yow thooh ya ki laad ki luti wow kyrriah noh ya kiwa sah ha Harijan Colony næ Iew Mawlong hadien wa mih i dawa wow kyrriah noh ya ki hadien wa mih i awri awra wa joor bha ynnin u snem.
Ka Meghalaya High Court ha ka hukum wa ka pynmih ko hajrong ka mukotduma wa da yaleh daka Harijan Panchayat Committee, da phah ko yaka sorkar jylla wow rah ya kani ka mukotduma cha ka Civil Court yow pynbait ya kani ka kaam, neidaw wa man ko ka kaam hajrong ka thaw ka bhaw.
I kylli wa mih katni toh wa lada sorkar jylla kammon u rai ko hajrong ka hukum wei lada em i thmu wow lai rah ya kani ka kaam cha ka Civil Court yow pynbait chisyndon ya kani ka kaam.
Ynne ka sngi ha u snem wa da dep da mih thma ha Them Metor wow kyrriah noh ya kini ki kiwa sah hadien wa chah dat le ngut ki khynnah wa bood Bus soo ha ki kattu katni ha kiwa sah ha kani ka thaw neidaw wa thut i rukom pynyieñ kari.
(Feature Image-File Photo)
Discussion about this post