Ka Khasi Student Union (KSU), Thadlaskein Unit hapoh i yahkhmat u President deilang wa kiwi ki dkhot da lai yachem ki ya ka BDO ka Thadlaskein Block ynne ka sngi yow booddien hajrong ka manyung wa sah ha yung skum kawa dang dep ka seiñ wow lai e yarap ha ka 6 tarik uni u bnai.
Ha ini i yachem waka BDO da chem wa ya ka manbei wa sah ha ka yung skum da em pyrtuid ko ha ka PMAY ka Scheme yarap poisa wow chna yung.
Kamtæ neiliang ka seiñ da kyrpaad ko ya ka BDO wow chimkhia hajrong ini i kaam manda pynlait ya ka Scheme PMAY ha u snem wow wan khnang wow yoh smat yei yung wa thymme.
Neiliang ka seiñ leh da yooluti ko wa kani ka manyung wa sah ha ka yung skum wa ha u snem wow wan da yoh noh ki da i yung wa ye u yada na u slap ka la-ær.
Puræ leh: Beiñ joor ka Dorbar Chnong Mukhla Nongrim ya ka KSU Thadlaskein Unit
