Ka KSU Wapung wa Ladrymbai Unit ha ka 20 tarik da lai ki wow booddien yei dawa pynchna noh ya u sarok Lad Rymbai Bypass uwa da sih la phrai ha kini ki snem wa da dep wei hadooh katni leh.
Ka seiñ da yoh ko wow yachem wa ka Additional Deputy Commissioner ka District wei da khana cha ka leh wa kattu la chitayaaw da lai ki kari heh na utai u sarok iwa da pynsuk yei lai i wan ha ka thaaiñ Ladrymbai wei da duna i sahkut kari wei ym de kam nachwa.
Ka seiñ da pyntip ko leh wa lyngba ka Wapung Unit da lai e ki dei thoh nyngkong cha u EE PWD Roads Khliehriat Division ha ka 22-09-23 wei ha kani ka kynti ka seiñ da ngait skem ko wa ka chnat wa toh u pait yei pynchna daw pynchna noh ko ya uni u sarok yow pynsuk ya ki paidah.
Kamtæ ka seiñ da ong ko leh wa uni u sarok da yarap u chiboon wow pynduna yei sahkut kari heiwa nachwa joor bha i sahkut khamtam ha yaaw Ladrymbai ter-ter kamæ yow neh ini i kyllooid toh u pynchna ya uni u sarok Lad Rymbai Bypass.
Ka seiñ da pynsñiaw ko leh yei sñiawngooh yaka chnat pulit wa da chimkhia ki wow pynduna yei sahkut kari wei ka seiñ leh u pteiñ ko wow ya krehlang ha kiwon kiwon ki phang kiwa ktah wei kiwa wanrah myntoi ya ki paidbah.
Discussion about this post