Shillong: U Lat ka Meghalaya u Satya Pal Malik ynne ka sngi da lai hiar u sa cha Nongpoh, Ri Bhoi District yow yachem waka Deputy Commissioner, u Superintendent of Police wa kiwi ki heh District yow booddien yei pynkrehkaam ya ki Scheme u Prime Minister, kiwi ki Scheme ka sorkar pyrdi deilang wa ki kaam wa yatoh wa i pynkrehkaam yaka aiñ.
Neiliang ka Deputy Commissioner ka Ri Bhoi District ka R.M. Kurbah da pynyoo yei pynkrehkaam ya ki Scheme u PM kamjooh ki Scheme ka sorkar pyrdi hapoh ka District. Da kdaw ko ya ki kaam kiwa da jop kiwa da poi thong kamjooh iwa chem chitom wow pynkrehkaam ya kini ki Scheme deiwa khana leh yaki kaam wa bha wa da leh hapoh ka District khamtam haka puræ puthi waka rep ka riang.
Da khana ko leh yei chem chitom ka District neidaw wa sih ki sarok, i wym yoh tista ya i bordiñ, i wym biang ki Mobile Network kamjooh i wym biang u pood ka jylla wa Assam.
U Lat da yaroh u ya ki kaam wa da leh ka District deiwa ong wa ka District em hok sakhiat ko wow yoh yei pait bniah ka sorkar pyrdi wei da kular u neiliang yong oo daw lai rah u ya ini cha ka sorkar India hajrong ki kaam wa chem chitom ka District.
