Lai booh dorkhat ka JSU ha u Hek yow pynbiang ya i duna ka Ganesh Das Hospital

Jowai: Ka JSU Central Body wa ka JSU- Shillong Circle, ynne ka sngi da lai yachem ki ha Secretariat ya u A.L. Hek,u montri wa pait yaka chnat ka chait ka khiah hajrong i rukom krehkaam ka Ganesh Das Hospital wa em ha Shillong wa slem wei boohteiñ ka sorkar wow wai noh ya ka yung krehkaam wa thymme yong kani ka thaw sumaar wa em ha Shillong hi.

Ka seiñ hadien wa yoh ko chiboon ki ujor na kiwa chitom kiwa ym kwah wow pynmih pyrtuid wa wan kha khon ha kani ka Hospital, wa ym pdiang ya ka wow kha ya i khon hapoh kani ka Hospital neidaw wa ym biang ki kor khamtam wym em ka Neonatal Itensive Care Unit (NICU) kawa man kawa emkaam wow pynthiah næ sumaar ya ki khonbo kiwa kha duna bnai wei kani ka manbei da hap ko wo lai cha Narzareth Hospital wei ini da booh ko ya i eh kam ka bru kawa duna ka yoh ka kot wei neiliang ka seiñ da lai e yarap ko deilang wa kiwi ki seiñ kreh mon sñiawbha yow pyllait ya kani ka manbei nei su wa heh wei ka Hospital leh da yarap ko wow pynduna ya i dor sumaar ya i khon wa dang kha.

Ka seiñ hapoh i yahkhmat u President ka Shillong Circle u Treiborlang R Suchen deilang wa ki dkhot da lai thooh bniah ki yei duna hapoh ka Ganesh Das Hospital wei da yachem ki leh yaka Superindent Medical Officer ka Doctor Wanswett wei da chem wa em boon i duna khamtam heiyatoh wa ki kor ki bor kiwa em ha Hospital nadooh ki Nurse wa ki Doctor.

Ka seiñ da lai e dorkhat ko leh cha u Director yong ka Medical Health Officer ka East Khasi Hills wa cha u montri wa pait yaka chnat ka chait ka khiah u A.L. Hek wow dawa wai noh yaka yaka yungkrehkaam wa thyme ka Ganesh Das Hospital. Ka seiñ da dawa ko leh wow pynboon ya ki kor e la-ær ya ki khonboo (Ventilator) hapoh ka PICU neidaw wa em du kawi donhi neibynta ki 6 tylli ki thaw booh khonboo hapoh ka PICU.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u montri da kular u wow chimkhia yei dawa ka seiñ wei ka sorkar daw pyrchang ko wow wai noh yaka yungkrehkaam wa thymme ka Ganesh Das Hospital yow lait na i khynnia pyn ha u bnai Khonchonglaad (Nov) uni u snem wei kamjooh yaka Jowai Maternity & Child Health Hospital u wai pyn ha uni u snem.