Jowai: Ka Khasi Students’ Union Shnongpdeng Unit ha ka 6 tarik uni u bnai da lai li booh ko ya ka Signboard ha Laad Darrang-Shnongpdeng neidaw wym bna ka sorkar lyngba ka chnat PWD wow booh Signboard.
Ka seiñ da leh ko ya ini hadien wa da yoh ko ya ka ujor na kiwa boon ki bru kiwa chem chitom wow tip yaka luti syngkeiñ wow lai cha kini ki chnong khamtam kiwa wan uiñke suwari neidaw wa ym biang ki Signboard wa kdaw luti neiwon wow lai cha cha Shnongpdeng wa Darrang kiwa man ki ar thaw kiwa pawnaam wa kiwa uiñke suwari.
Ka Signboard kawa jooh em ha kani ka thaw man ko kawa da pleh rong ka wym che de kawa da ieh donhi khlem da kylliang da kawa thymme da boon snem kattu.
Ka seiñ hapoh i yahkhmat u President ka Shnongpdeng Unit u Kindly Khyriem, ki dkot kam u Ricky Khongkliam, u Derapshit Lamin wa u Jimreeves Syngkrem da lai booh ki ya kani ka Signboard neibynta wow pynsuk ya waroh kiwa wan cha Shnongpdeng wa Darrang.
Ka KSU Shnongpdeng Unit da kyrpaad ko leh ya ka Sorkar wow pynsmat wow siang rong noh ya ka sarok Shnongpdeng–Darrang khnang wow suk ka lai ka wan kiwa wan uiñke suwari cha kini ki thaw.
Discussion about this post