Jowai: Ka JSU Central Body ynne ka sngi hapoh i yahkhmat u President ka seiñ, u Lawyerson War wa u General Secretary u Jersom Shylla chirup wa u President ka Shillong Circle u Treiborlang R Suchen wa u President ka Jowai Circle u Neal Jordan Rymbai u President ka War Circle u Eddy Kerry Pohtam wa ki dkhot ka seiñ da lai booh syntu ki ha u mot sahnaam u Woh Kiang Nangbah ha Iongpiah, Jowai wa ha Syntu Ksiar kam ka dak wow warom ya ka sngi lyngkhooh sngi yap wa 157 uni u khlawait ka ri.
U Lawyerson War da ong u wa i kynmoo warom ya kani ka sngi man ko leh wow kyrsu thiah ya ki khon ka Ri wow kreh neibynta ka ri khamtam ha kini ki por wa ka jaitbru chah yoohbeiñ ko ha ka sorkar India da ki aiñ kiwa ktah ya i mantre hapoh ri.
Ha i booh syntu ha Syntu Ksiar da pynman ya i suki wa i ngoohblai wa jai jai.
Ka seiñ da kynmoo warom ko leh ya kiwi tawon ki bru wa khroo wa da yaleh laitlooid neibynta ka ri chirup wa u Woh Kiang Nangbah.
Ha iwi i bynta ka JSU Khliehriat Circle hapoh i yahkhmat u President u Livingson Sama wa u General Secretary u Emanuel Bhoi da lai booh syntu ko ha u mot sahnam yong u Woh Kiang Nangbah wa em ha Khliehriat ha New Deputy Commissioner Office.
Discussion about this post