Jwai: Ki nongkreh ka Jowai Municipal Board (JMB) da rai ki u pynkrehkaam ia i sangeh kreh khlem booh por hadien wa ka sorkar ym ye ko u e i kular dei jingthoh wa u su ia ka tulop wa san bnai wa ym pu em u ioh ki.
Ha chwa ini neiliang u CEO ka JMB u bah S. Syiemlieh MCS da lai iachem u wa u Secretary iong tnat Yarong poisa ka sorkar wei kamjooh leh ia u Director of Urban Affairs Department, Meghalaya hei iatoh wa ini i dooh tulop ki nongkreh. Neiliang ka sorkar da tyrwa ko u e chwa du le bnai ka tulop, kawa ki nongkreh ka JMB ym ye ki u pdiang, ong ki wa kwah ki waroh 5 bnai syndon.
Ynne ka sngi da em leh ka yalang ki nongkreh ka JMB heiwa da iang ki ia ka rai ka sorkar hadooh i janmiet dei wow e ka sorkar da i jingthoh (email) cha ki nongkreh wa u kular u pynioh noh ia ka tulop ki nongkreh. Ka sorkar won neiliang iong ka ym ye ko u e yi yi i kular cha ki nongkreh iow su noh ia ka tulop iong ki.
Ini i dam kreh ki nongkreh ka JMB da sdang ko u ktah iaka chnong Jwai hawa da sdang ki jhep u lang cha sarok iong kiwa boon ki dong ki chnat. Kamjooh leh daw ktah i ia i pynkhreh pynemwarom iaka sngi laitlooid haka 15 tarik.
Discussion about this post