U DC ka East Jaiñtia Hills da pyntip u wa kam chibynta ka Project “Ka Lawei” kawa ini wa dep da pyndep yei thooh bniah ha waroh ki skur yow tip yeiwa emkaam yarap ki yow pynpliah yei puræ puthi, da sdang leh sa ya ka e sikai ya kiwa sikai skur ha Ambrose Memorial Secondary School.
Da ya embynta lang kiwa sikai wa ki Principal na ki 6 tylli ki skur heiwa da pynsñiawthooh ya ki yei thong ka Project “Ka Lawei”, deiwa khana ya ki yei rukom sikai deiwa pynemkaam ya ki Android TV yow yarap ya ki hawa hikai ki ya ki khynnah.
Kani ka jooh ka e sikai daw pynman ha ki 50 tylli ki Secondary School hapoh kani ka Project yow yarap ya kiwa sikai wow pynemkaam ya ki Smart Classroom.
Ka poisa wow pynkrehkaam ya kani ka Project toh kawa wan napoh ka District Mineral Fund (DMF).
Puræ leh: Da ka Community Study Hall, ki Digital Test wa ki Smart Panel yoh yarap ki khynnah ka East Jaiñtia
