Hapoh ka National Mission on Edible Oils-Oil Palm kawa man ka Scheme pynmih phñiang baam, ki sorkar jylla deilang wa ki karkhana wa pynmih ya ini i phñiang baam Oil Palm da sdang ki yei thong wow pynchlur yei thung ya uni u dieñ Palm kawa da sdang nadooh u 25 tarik u Naiynñiaw uni u snem dei thong wow pynman ya ka ri wow ye ko u pyndap hi yei emkaam phñiang baam yow man ko kam ka ‘Atma-Nirbhar’.
Da booh leh ka thong wow thung ya kini ki deiñ ha ki thaw wa heh 6.5 lak Heactare kat ha u snem 2025-26.
Ki jylla wa da bien wow lai chakhmat wow thung ya kini ki dieñ toh ka Andhra Pradesh, Arunachal Pradesh, Assam, Goa, Karnataka, Mizoram, Nagaland, Odisha, Tamil Nadu, Telangana wa Tripura.
Ki karkhana wa pynmih ya ini i phñiang baam namo ki Oil Palm Processing Companies toh ka Patanjali Food Pvt. Ltd., ka Godrej Agrovet waka 3F kiwa da chimbynta leh ha ini i thung dieñ najrong ki karkhana wa em ha kini ki jylla wa kynthup ya ka KE Cultivation wa NavBharat.
Ya kani ka Mega Oil Palm Plantation Drive da pynkut ynnin ka 12 tarik deiwa chimbynta palat 7000 ngut ki warep na ki 77 tylli ki chnong kiwa em ha ki 49 tylli ki District yong ki 11 tylli ki jylla wei i thaw wa da thung ya kini ki dieñ toh 3500 Hectare deiwa thung palat 5 lak tylli ki deiñ.
Najrong i thung dieñ da pynman leh ya ki pynsñiawthooh ya ki warep chaphang wow sumaar ya kini ki dieñ.
Hapoh kani ka Scheme, ki warep da yoh yarap ki leh da ki tiar ki tar wow yarap ya ki wow thung dieñ, i yarap poisa kamjooh da kular wow em ka yaaw ka haat wow dai ki wa i dor deiwa yoh nong ki.
Discussion about this post