Shillong: Ka liang ka Meghalaya ka wow lai chimbynta haka Hero Sub-Junior Girls National Football Championship 2019-20 daw mih ki haka 4 tarik uni u bnai yow lai cha Cuttack, Odisha, heiwa ka yalehke wa nyngkong ka Meghalaya toh haka 8 tarik uni u bnai.
Neiliang ka Meghalaya Football Association, ynnin ka sngi ha yung krehkaam yong ka da pynman ko yaka yalang pyn-eh bok eh nasib ya ki 19 ngut ki wow lai chimbynta heiwa daw emlang leh soo ngut ki wow synran ya ki wei da emlang leh kiwa hayung hasem yong ki ha kani ka sngi.
Neiliang u CEO ka MFA u Arki Nongrum, MFA Treasurer u Wanshan Kharkrang wa ka Women’s Committee Member ka Iai Nongkynrih da e ki yei klam wow pynchlur yow poi cha ka thong. Da ong ki leh wa hanlada kani man ko ka sien wa nyngkong wa lai chimbynta ka jylla cha kani ka Tournament, daw man ko ka laad ya kiwa chimbynta wow yoh maad ya kiwa boon jait ki wow pynstat haka yalehke, heiwa ka Fragrancy Riwan toh kawa khian rta dooh kawa em 12 snem 9 bnai i rta.
Ka Meghalaya u yahcem ko waka Kerala haka yalehke wa nyngkong haka 8 tarik, ka Jammu & Kashmir haka 12 tarik wa yaka Gujarat haka 14 tarik.
Kiwa yalehke:
Baiarihun Rapthap, Careen Jody Kharkamni, Catherine Kharkongor, Dahunlinshisha Hujon, Darishisha Kharlyngdoh, Deitishisha Nongbet, Fragrancy Riwan, Ibaihun Kurbah, Ishalin Nongrum, Marbel Nongneng, Napaleroiki Lytan, Nazareen Nongdhar, Sanfida Nongrum, Sunalinda Iawrin, Da-ai-jingsuk Basaiawmoit, Naphishisha Kharkongor, Eusibia Kharkongor, Rikynti Thabah, Ideibanrishisha Kharpan.
Officials:
Ryum T Khonglah (head coach), Sankidaroi Sajem (manager), Shushma Thapa (physio), Baiarkynti Mylliemngap (assistant manager).
Discussion about this post