Jowai: Ynne i step ki 7 ngut kiwa yalehke ka West Jaiñtia District Badminton Association (WJDBA) wa kynthup ya u Lemi Nelson Suchiang, u Heiwansa Passah, u Arman Roy Bamon, u Wonjurmon Niang, u Darapshngaiñi Challam, u Sambul Lamare wa u Owawan Dkhar hapoh i yahkhmat u Anderson Rapsang kam u Coach wa u Teddy Laloo kam u Manager da mih ki na Jowai wow lai chimbynta ha ka “Junior Badminton Championship” wa pynman daka Badminton Association of India ha nongbah Guwahati.
Kani ka lympung u sdang ko nadooh ka 14 tarik hadooh ka 16 tarik uni u bnai.
Kamtæ chwa wow mih ki na Jowai neiliang u Vice President ka WJDBA, u D. Pyrpot wa u General Secretary, H. Nongpluh da e ki ya ki kyntien eh bok eh nasib ya kini kiwa yalehke ha pchem ka Khimmusniang Indoor Sport Hall yow yoh ki i doh i pran wa chait wa khiah kamwa mih ki na Jowai hadooh wow liwan ki, wei wow ye ki u lehbha ha kani ka lympung.
Da sneiñ kyntu leh ya ki wow lehbha ki ha kani ka yalehke neibhah ym du wow wanrah naam rah burom ki ya ka Association tangwa wot ya ka District wa ka jylla hi waroh kawi.
Discussion about this post