Jowai: Ki dkhot yong ka Meghalaya Bharat Scouts & Guides, West Jaiñtia Hills District (MBS&G-WJH) ynne i step da mih ki wow lai chimbynta ha ka National Level Tribal Rovers/Rangers Meet 2019.
Kani ka yalang u man ko ha District Training Centre, Bharat Scouts and Guides, Medininagar, (Daltonganj), Palamu, Jharkhand nadooh ka 16 hadooh 20 tarik uni u bnai.
Ya kini ki dkhot ka MBS&G-WJH wa kynthup ya ki 8 ngut ki Rovers & Rangers da yahkhmat da u Elvis Dkhar, District Organiser (Scout).
Kini ki 8 ngut toh kiwa chah jied da ka Meghalaya Bharat Scouts & Guides wei kynthup ki ya ki Rangers, ka Avity Sana, ka Embhah Sana, Shimtilut Nongtdu wa ka Lanaphika Dhar katwa ki Rovers won u Daniel Shadap, Sohope Dhar, Daily Brightwell Suting wa u Damanbha Niang wa u Elvis Dkhar.
Chwa wow mih ki na Jowai ynne i step da em ka yachemlang ha yung krehkaam ka MBS&G-WJH heiwa da rwai leh yei sur ka ri (National Anthem).
Discussion about this post