Ka dhab tem na Sikkim wa pyrtuid kam ki Girish and the Chronicles (GATC) da man ko ka Rock Band wa nyngkong dooh na India wow yakhun ha ka America’s Got Talent (AGT).
Ka GATC da lai ko cha Hollywood, California ka ri USA ha u Wisu (Mar) uni u snem wow chimbynta ha ka AGT wei wow pynyoo ya ka sap na ka jylla Sikkim wei kammon ka India maya ko ya ki rukom tem sur Rock.
Ka AGT kawa man ka chnat yong ka Got Talent wa sdang da u Simon Cowell, u dap ko 20 snem ha uni u 2025 heiwa da yoo ya ki sap yong ki bru na kylleiñ ka pyrthai.
Ha kani ka yakob ki Judge kynthup ki ya u Simon Cowell, u Howie Mandel u bru wa pawnaam na Canada, ka Sofía Vergara ka Colombian-American Actress wa ka Melanie Brown (Mel B) kawa jooh tip kam ka Scary Spice na ka Spice Girls.
Neiliang ka GATC ha kani ka Audition da tem ki yei sur ka Adele wa pyrtuid Set Fire to The Rain yeiwa waroh ki Judge da yaroh ki ya ka GATC heiwa da yoh ki leh wow lai chakhmat ha kani ka yakob deiwa yoh yei mynjur na waroh soo ngut ki Judge.
Ki paidbah leh da kbai da kyriaw wei da yieñ thap kti deilang ki Judge hadien wa dep ki GATC u tem.
Kam wow kdaw heini, ka GATC da jooh wan pynwyrngia ko ya ki paidbah ha Ri-loom Jaiñtia ha ki snem wa dadep ha ki Fete waphær waphær wei da jooh lai tem ki leh cha Europe wei ini wa dep wa wan ki Guns N’ Roses ha Mumbai da tem ki kam ki Opening Act ya ki.
Discussion about this post