Ka All Women’s Selection Committee ka Meghalaya Cricket Association da jied ko ya 15 ngut kiwa yalehke deilang wa kiwa pynyang cha rood neibynta ka U-15 Women’s One Day Trophy kawa daw sdang haka 26 tarik uni u bnai.
Waroh ki yalehke ka Meghalaya daw pynman ha Jaipur wei kiwa yalehke u mih ki na Shillong myntu ka sngi wei kani man ko leh kawa nyngkong dooh ka Tournament wa pynman da ka BCCI neibynta ki kynthai wa em hapoh 15 snem.
Ha ka yalang pyn-ehdaw wa da pynman ha Shillong, neiliang u MCA President, u Naba Bhattacharjee da klam bniah u yei yaleh ka MCA deilang wa ki District Association yow pynku ya ka Cricket deiwa embynta lang ki kynthai nadooh kiwa dang khian rta ha ka kyrdan Junior Girls wei da ban joor u yei emkaam wow e lut katwa ye i bor i sor wei wow man kiwa emakor neibhah ki da kitlang ki yei pyrtuid ka Meghalaya.
Neiliang u MCA Honorary Secretary, u Gideon Kharkongor da e mynsien u ya kiwa da chah jied deiwa yaroh leh yei lehbha ki ha ka yalehke Friendly Match pyrchah ya ki chynrang ka Lawsohtun Cricket Training Centre. “Ki kynthai i ym toh kiwa tieñ ya kiwon kiwon wei ini daw yarap ko ya ki manda yaleh ki pyrchah ki jylla wa heh ha kani ka BCCI Tournament ha Jaipur,” da ong u deiwa e khublei ya waroh hei lai luti ki yow poi ki dei suk kamjooh wow rah yei jop.
Kiwa yalehke ka Meghalaya: Ganga Muchahary, Lasusaitre Suchiang, Anjana Kumari, Claudia Ryntathiang, Aruey Momin, Jayshree Singh, Julitha Sangma, Jecykha M Marak, Dawanshisha Warlarpih, Monica Singh, Yoolang Suting, Adelakmen Lawai, Shreya Marak, Isamanbha Nongsiej, Chigesa Marak
Kiwa yalehke ka Meghalaya wa pynyang cha rood: Lapynsuk Mary Lyndem, Bestpina Marak, Liansha A Marak
Ki Coach ka Meghalaya wa kiwi de: Kikam Bhutia (Head Coach), Bhakupar Mylliemngap (Assistant Coach), Helyna D Sangma (Trainer), Lucky Mary Marbaniang (Physio), Baiahun Mylliemngap (Manager)
Ki sngi yalehke ka Meghalaya:
vs Punjab, 26 December
vs Kerala, 28 December
vs Manipur, 30 December
vs Gujarat, 1 January
vs Madhya Pradesh, 3 January
