Jowai: Kiwa chaad na War Jaiñtia da lai pynyoo ki yaka chaad tynre ynnin ka 18 tarik ha sor Jamshedpur, Jharkhand ha ka Samvaad- A Tribal Conclave wa pynman daka TATA Steel wei ya kiwa chaad da yahkhmat da ka JSU Shillong Circle.
Da pynyoo paidbah yaka chaad tynre ki bru yong ka War Jaiñtia (Amlarem Sub-Division) kam ka chaad Rongkusi ka chaad Wait wa Mastieh wa ka chaad kynthai kiwa man kiwi na ki chaad tynre yong ka Bri u Ynñiawtrep.
Kiwa chaad ha kani ka sngi da pynhun ki ya ki paidbah kiwa boon kiwa ym jooh yoo ya kini ki chaad nadooh ki riam tynre kawa pynyoo yei mahajon ka dustur riti ka jaitbru yong i.
Ha kani ka lympung da wan chimbynta da ki spah tylli ki jaitbru ri-loom na kylleiñ ka ri India wei da sdang ko nadooh ka 15 tarik uni u bnai wei u kut ko haka 19 tarik uni u bnai wei man ko leh ka sien wa 6 wa da pynman yaka wei ha kini ki 5 sngi da yoh laad wow ya syllok wei wow pynyoo pyrthai ym du yaka dustur riti hadooh ki baam tynre.
Discussion about this post