Shillong: U montri rangbah ka jylla,u Conrad K. Sangma da lai embynta u ynne ka sngi ha ka Indonesia – India Interfaith Dialogue (IIID) kawa pynman ha Java, Indonesia wei da yahkhmat da u montri khynnah ka sorkar pyrdi wa pait ya ki kaam baar ri (Minister of State of External Affairs) u M.J. Akbar.
“Ka Indonesia – India Interfaith Dialogue ye ko wow man ka dhab wa khlan wow wanrah yei chongsuk hapyrdi ki ar ri wa ka thaaiñ hi waroh kawi.” da ong u Conrad K. Sangma.
Chooh chooh da ong u wa waroh ki niam em ki ka yurim wow wanrah yei suk wei man i leh iwa bakla wow leh kaam pyrchah aiñ hei naam u Blai.
Kani ka yachem thmu ko wow wanrah yei yatylli, wei daw pynman ya ka le sngi lynter wei daw em ki chong phyllu yumut, i lai pait ya ki thaw mane ki Hindu, Islam, Christian wa Buddhist.
Da yaklam leh hajrong ka phang – “Sharing of Best Practices, Lessons Learnt and Way Forward” ha Yogyakarta, wa haap hapoh Java, Indonesia.
Ya kiwa mihkhmat ka ri Indonesian namo ka India-Indonesia Interfaith Dialogue (IIID) da yahkhmat da u Vice Foreign Minister of Foreign Affairs u AM Fachir.
Hawa sdang uni u snem u montri rangbah dooh ka ri u Narendra Modi da yaklam u wa u President ka Indonesia u Joko Widodo, heiwa da rai wow pynman da ka Interfaith Dialogue ha Indonesia, wei ha u snem wow wan daw pynman ya ka ha India.
Kiwa yachimbynta da da lai ki leh cha Prambanam wa Borobodur Temple, chirup wa ka Zen Ling Gong Temple, Huria Kristen Batak Protestant Church, Santo Antonius Catholic Church waka Syuhada Mosque wa em ha Yogyakarta.
Discussion about this post