Jowai: Ka Synjuk Rangbah Shnong Ri Jaintia (SRSJ), Laskein Block Unit, West Jaintia Hills, da lai ki wow yachem ya u Director of Health Services (MI), Meghalaya Shillong u T.S. Nongkhlaw, ha kani ka 15 tarik uni u bnai hapoh i yahkhmat u President ka synjuk u Lowing Laloo wa u General Secretary u Niawbiang Tang wow dawa booh Doctor ha CHC Laskein.
Ha i yachem hapoh kamra krehkaam yong u DHS, ki da pynsñiaw ki yei emkaam ka CHC Laskein, WJH wow thung Doctor noh ha kani ka thaw sumaar hadien wa da chah kyrriah ki ar ngut ki Doctor na kani ka CHC kamwa la ar bnai wei hadooh katni ym pu em yoh Doctor wa wan kreh heithaw yong ki.
Ha kani ka yachem, neiliang u DHS da kular wow pynyoh Doctor smat noh katwa ye ya kani ka CHC.
Kamtæ neiliang ka synjuk da e khublei ko ya u Director wa da kular u wow phah Doctor smat, neibhah kamwa man katni ki paidbah ki chem chitom ki khamtam ha ki chitom wa syndet ha ka miet ka yong neidaw wa katni em du ka wi ka Doctor MBBS ha kani ka CHC, ka Dr. S. Passah wei ka Synjuk ka kitbok kitrwiang ko leh ya ka yow yoh ko i doh i pran wa chait wa khiah.
Discussion about this post