Ka Catholic Association of Shillong (CAS) ynnin da yachem ko wa u Lat ka Meghalaya, u Phagu Chauhan, ha Raj Bhavan, Shillong wei da e kti ki leh ya ka dorkhat kawa da thoh cha ka President ka India yow kyrpaad ya ka wow tuklar smat ko yow wanrah biang yei suk i saaiñ wei chngaaiñ hapoh ka jylla Manipur.
Ya ka CAS da yahkhmat da u J A Lyngdoh, President, u Ronnie V Lyngdoh, Vice President, ka Kiltiora Marbaniang, Vice President, u Richard Kahit, Vice President, u Barnabas Nongbah, General Secretary deiwa emlang kiwi de ki khynroo wa ki khynthai.
Kani ka dorkhat man ko kam chibynta i rai wa mih na ka Peace Rally kawa da pynman da ka Catholic Association of Shillong deiwa ya krehlang waka Meghalaya Church Leaders Forum (MCLF) deilang waka Khasi and Jaiñtia Christian Leaders Forum (KJCLF) ha ka 5 tarik uni u bnai.
Discussion about this post