Haka 29 tarik uni u bnai, ka Hynniewtrep Youth Council (HYC) Narpuh Circle da lai e dorkhat ko ha u Deputy Commissioner, East Jaiñtia Hills District hajrong ka aiñ Minimum Wages Act deiwa ujor wa kiwa boon ki Company khamtam ki karkhana pynmih khyndaw bilat wa em hapoh ka District ym em su ki yaka nong sngi næ ka yulop katkam kani ka aiñ.
Ka seiñ da ong wa i su kini ki Company toh iwa duna palat yaka hukum wa da booh hadooh daka chnat Labour ka Meghalaya.
Kamtæ neiliang ka seiñ da kyntu ko ya u DC wow chimkhia hajrong kani ka kaam khnang wa ki wakreh ki Company ym chah chim kabu ki, yow yoh ki yaka tulop waka bai nong sngi kawa biang katkam wa da booh da ka sorkar, ong ka kyrwoh na Publicity Secretary ka seiñ u P. Syiemlieh.
