Ka Jaintia Youth Federation Central Body da lai e dorkhat ko cha u CEM ka JHADC heiyatoh wa i wym ye ka Council wow su yaka tulop kiwa kreh yong ka iwa da dap 10 bnai kattu.
Ka seiñ da ong ko wa ini wym ye ka JHADC wow su tulop ya kiwa kreh da ktah joor bha i ya waroh kiwa kreh kiwa da chkeh tulop yow pyndap pynbiang yeiwa emkaam ha ka yung ka sem yong ki.
Da kdaw leh yeiwa da yoo ha kini ki sngi wa kiwa kreh ka JHADC da hap ki wow mih madan wow dawa yei hok yong ki deiwa pynman yakhih wei ini waroh da jia i neidaw wa ka sorkar khamtam u CEM wym bien u wow chimkhia wow su ya ka tulop katkam wa da kular ki.
Kamtæ da ong wa i wym ye u su ya ka tulop kiwa kreh daw ktah bha ko ya ka Council hi wa roh kawi neidaw wa kiwa kreh daw hap ki wow sangeh yei krehkaam manda hap ki wow mih cha madan wow dawa yei hok ka yong ki.
Hajrong ini waroh neiliang ka JYF da ban joor ko ya u CEM wow chimkhia u chisiendon wow su noh ya ka tulop kiwa kreh ka JHADC khnang yow lait u mih ki kynrum kynram hapoh ka Council.
Discussion about this post