Ynne i step u montri rangbahdooh ka ri, u Narendra Modi chirup wa u Chief of Defence Staff, u General Bipin Rawat wa u Chief of Army Staff, u Gen MM Naravaneda lai yooh-kjat ki ha Leh, Ladakh kawa man kawi na ki thaw wa kajia pood ka India wa ka China ha kini ki bnai wa dadep.
U Modi da lai u leh cha Nimmu Lake kawi na ki thaw wa em hajan u pood ka ri wa ka China heiwa da yaklam u leh wa ki chipai wow e mynsien ya ki.
Da booddien u leh yei pynkhreh ki chipai ka ri lada jia mih iwon iwon i awri hapyrdi ki ar ri.
Kam wow pynkynmoo heini ha i miet ka 15 Naiynru da khlaad hadooh 20 ngut ki chipai ka India hadien wa mih i yachooh wa ki chipai ka People’s Liberation Army (PLA) ha Galwan Valley heiwa da antaad leh wa da khlaad leh hadooh 43 ngut ki chipai ka PLA ha ini i jia.
Hadien ini i awri da em hadooh 3 tylli ki yalang hapoh chi bnai hapyrdi ki heh chipai kini ki ar ri wow yaklam yasuk biang ha kani ka thaw.
