Ynne ka sngi hadien wa mih ka Wyrta hajrong i lai thoh Exam uwi u khynroo wa em i duna ha ki kti, u Heimonmi Synnah uwa thoh Exam SSLC da ki kjat, neiliang uwi na ki waheh ka thaaiñ, u Nehemayah Tyngkan da lai e mynsien e yarap u ya uni u khynroo.
U Nehemayah toh u Vice President ka Meghalaya Pradesh Youth Congress, kamjooh leh u Finance Secretary ka Congress ha West Jaiñtia Hills District.
Ha ini i lai e mynsien neiliang u Nehemayah da e yarap u leh ya u Heimonmi da ka poisa T. 3,000.
U Nehemayah man u leh uwi na ki bru uwa kreh bha hajrong i bha i miat ki bru kiwa em i duna ha i doh i pran hapoh ri-loom Jaiñtia wa ka jylla hi waroh kawi.
Chooh chooh u Nehemayah da yaroh u leh ya u Heimonmi wa da poi u ha kani ka kyrdan wei da yaroh u leh ya oo neibhah wa da yakhun u ya kani ka Exam da ki jooh ki yukylli (Question Paper) kam kiwi tawon ki khynnah kiwa pura.
Heijooh i por da kyntu u ya ka MBOSE wow pyrkhat kyrpang wow pynkhreh ya ki yukylli wa kyrpang ya u Heimonmi.
Discussion about this post