Kiwa kreh ha i chait i khiah ha kini ki por toh kiwa da e i chakri pura ya ki paidbah khlem kheiñ de yei eh i khoo wa yachem ki khamtam kam ha ini i por wa em ka khlam COVID-19.
Ynne ka sngi neiliang ka SURE hapoh i yahkhmat u Kiki Pakma, President wa u Rev. HH Mohrmen, Secretary wa ki kattu katni ki dkhot da lai e sñiawbha ki ya ki COVID Warriors yong ki 3 tylli ki thaw sumaar wa em ha West Jaiñtia Hills.
Kini ki thaw sumaar kynthup ki ya ka Woodland WK Hospital, Sabah, ka Dr. Norman Tunnel Hospital, Jowai wa ha MCH Hospital Jowai.
Ini i e sñiawbha wa khian toh kam ka dak i burom i ñiawkor ya i chakri yong ki wakreh ha i chait i khiah kam ha ini i por.
Neiliang ka SURE kyrmen skem ko wa daw kner chooh ko ki kti u e yarap ya kiwi kiwa chem chitom, kiwa chah ktah ha kam kini ki por wa em i khang sbak ya ka chnong ka thaw.
