Ka seiñ FKJGP-East Jaiñtia Hills ynnin ka sngi hei yahkhmat u President, u Deihok Sumer deilang wa kiwi ki dkhot da lai e yarap ki cha ka Porpynsuk Dkhar kawa chong wa sah ha chnong Deiñshalalu kawa da dooh noh yei yung hei diñ iwa da jia ha ka 13-10-24.
Hachwa wow e kti ya ka song poisa, neiliang u Deihok Sumer hawa e yei klam da kyntu u ya kani ka manbei wow pdiang yei yarap hanla man i iwa khian leh deiwa e nongmuna wa chi joo ka um ye ko wow kylla cha ka duriaw wei da e yarap ki leh dei mynsien wa sbun deiwa pynlang wei kynchew katwa ye wa lah ki.
Neiliang won u Vice President ka seiñ, u Welking Swer da kylli u lada sdang ki u pynchna thymme yei yung heiwa neiliang ki tre yung da ong ki wa da sdang ki wei heini da kular u wow pynpoi 10 churia i khyndaw-bilat dei mynkna ha kini ki chi sngi ar sngi.
Da yoh leh yei klam na u Information Secretary, u Michal Chyrmang uwa da kyntu ya katai ka manyung wym toh u dooh kyrmen ki wei wow chaniah hei stat u Blai.
Khaddooh da yoh yei klam na ka Porpynsuk Dkhar kawa da e yaroh ya ka seiñ yei wan e yarap ki wei da pdiang sñiawbha ko yeini wa da e yarap ki deiwa kyrkhu kyrdoh ya ka seiñ wow nang ye chooh chooh ki wow chakri ya ka imlang sahlang.
Discussion about this post