Ka seiñ FKJGP-Jowai Town Circle, hapoh i yahkhmat u President, u Dinovert Challam deilang wa ki dkhot da lai pait ya i thaw ri khonswet kawa tip kam ka Children’s Home kawa em ha Khihmusniang, Jowai.
Ha ini i lai pait, neiliang ka seiñ da e sñiawbha ko da ka song poisa kam i e yarap ya kani ka thaw ri khonswet wei da pynman leh yei ya syllok wa kiwa pynlai neibynta i emkaam chooh chooh yow yoh myntoi ki khynnah kiwa sah heini.
Ka seiñ da kitbok kitrwiang ko ya kani ka thaw ri khonswet wa daw chna ko ki laad ki luti wow nang yarap man-i-por ya kani ka thaw neibhah wa toh i kaam wa bha wow sumaar sukhær ya ki khynnah kiwa chah ieh khonswet ha i im yong ki.
