Ynnin ka sngi, ka seiñ HANM Narpuh Circle da lai e yarap ko da ki Tin sap yung deilang wa u khoo chi churia cha ka manyung ka Khlung Phawa kawa da chem chitom kawa em cha chnong Cham Cham, East Jaiñtia Hills District.
Ha katai ka sngi da emlang u President ka seiñ, u P. Syiemlieh deilang u Secretary, u S. Sumer, u Publicity Secretary, u S. Pala wa kiwi ki dkhot ryngkat wa u Tbn Skilful Pohsnem.
Neiliang u President da ong u wa neipor cheipor ka seiñ da jooh pyrchang ko wow e yarap cha ki paradoh parasnaam katwa joh i bor hanla man i da iwa khian leh khamtam ha ini i por wa joor u slap waka la’ær da emkaam leh ya kiwi wow e yarap ki lada chem ki ya kiwa emkaam yarap yow lait ki naka sngi u slap.
Ka seiñ da e khublei kyrpang ko ya u Tbn Skilful Pohsnem uwa da pyntip cha ka seiñ yei emkaam kani ka manyung neibhah i yung wa sah ki ym em de man chngaaiñ i.
Neiliang ka tre yung da pynsñiaw ko yei sñiawngooh yaka seiñ kawa da smat wow wan e yarap, wei neidaw wa ban ka dooh ka duk ym em laad em luti ko wot wow thied Tin yow sap yei yung ko, kamtæ da pyn-eh-daw pyn-eh-nasib yo yaka seiñ wow nang kreh chitom hapoh ka Bri u Ynñiawtrep Ynñiawskum.
Discussion about this post