Deiwa yatoh yumut lang ki para dkhot, u President ka seiñ JSM Barato Unit wa u President ka Shangpung Unit, da lai e yarap wei e mynsien ki leh yaka manbei kawa chah dung pyn ha u kurim deiwa lai e sñiawbhalang u Education Secretary yong ka Western Region u Nick L. Sungoh da u khoo waka poisa wa kattu katni.
Heini i por da em i yalang wa tbian yong ka seiñ deilang wa u Waheh Chnong wa u Secretary yong chnong Iongkwang, West Jaiñtia.
Neiliang u Sungoh hawa e yei klam da beiñ joor u ya ini wa jia wei pynsñiaw leh cha ki bor ka aiñ wow chimkhia wow kem syndon ya u bru wa emkti.
Ha iwi tawon i liang, ka JSM Central Body ynne ka 29 tarik da e sñiawbha ko cha ka Wahsder Covid-19 Committee da ki 200 tylli ki Mask, 100 jur ki sap-kti waki Hand Sanitizer cha ki dkhot ka Committee.
Ynne biang ka sngi, ka Lapangap-Unit da lai e yarap ko da ki musari 20 tylli wa ki Mask 40 tylli cha ki manyung wa dooh ka chnong Lapangap.
