Ynne ka sngi ka JSU da lai e yarap ko ya ka manyung kawa da maad yei jia wa sñiawsih ha ka chnong Mihmyntdu ha yung ka Nimai Phawa kawa da suba chah tynyap ko pyn ha u kurim yong ka, u Fortunate Pala.
Ka seiñ da dap ko dei sñiawsih ya kam ini iwa jia wei da beiñ joor ko leh ya uni u damok wa emkti u leh ya ini i kaam.
Ka seiñ da kyntu ko ya ki bor pulit wow thooh ya uni u bru hawa chem wei wow kem noh ya oo wei wa ymhoi u e jamin ya oo wei ka seiñ da beiñ joor bha ko sa yei thmu uni u damok wow tynyap ya u khon ka Nimai uwa dang 7 snem i rta.
Ka seiñ da ong ko wa i em ryngkat u Blai da lait im uni u khynnah.
Chooh chooh ka seiñ da ong ko wa i wan e yarap cha kani ka manyung man i kat wa chah i bor da ka song poisa wei ngaitskem ko leh wa u Blai u emlang u wa kani ka yung heiwow pyntngen wei wow ebor ya kani ka manyung.
Ka sieñ da kular ko leh wow yarap ya kani ka manyung ha iwon iwon i por neini chakhmat.
