Ka seiñ Jaiñtia Women Awakening Movement (JWAM) kawi na ki seiñ ki manbei na ri-loom Jaiñtia da lai e yarap ko ya ki le tylli ki manyung, kawi kawa em ha ka chnong Sahsniang- B ha ka 12 tarik, ha Mihmyntdu Wahchnong ha ka 16 tarik wa ha Khanduli ha ka 21 tarik uni u bnai.
Ka manyung wa em ha Khanduli (ka wym kwah wow pynmih pyrtuid), kani ka manyung toh kawa em wa chitom Stroke la ar snem wei u kurim yong ka leh da yut u wei em ko soo ngut ki khon wa dang khian heiwa uwi u khon wa 12 snem hap lai kreh u man-ka-sngi wow psa ya ka yung. Kamtæ ka seiñ da e yarap ko ya kani ka manyung da ki mar baam.
Ka manyung ha Sahsniang toh kawa da maad yei chitom hadien wa baam i diñ ya i yung yong ki deilang waka khon wa dang soo snem i rta kawa da yap, heini ka seiñ da e yarap ko ya kani ka manyung da ka song poisa.
Ha Mihmyntdu won toh ki khonswet wa sah wa u pa yong ki tangwa uni u pa toh uwa chitom la kamwa 6-7 snem wei ymye de u wow kreh kamtæ ya kani ka manyung leh da e yarap da ka song poisa.
Hawa ka seiñ phah ko ya kani ka Wyrta ym mut wa kwah ko yei yaroh wei naam i burom tangwa kwah ko wow pyntip khnang wa kiwi ki lok wa em mynsien leh u yarap ki ya kam kini ki manyung.
Kani toh ka Wyrta na kiwa kitkaam ka JWAM ka R. Shylla, President wa ka Secretary, ka R. Siangshai.
Discussion about this post