Ka Khliehriat Block Congress Committee wa ka East Jaiñtia Hills District Mahila Congress Committee hapoh i yahkhmat u Vice President u Pheinlang Siangshai wa ka Vice President ka East Jaiñtia Hills District Mahila Congress ka Shimika Sungoh da lai e yarap ki cha ki arngut ki manbei kiwa chah ktah nei chah baam dooh i yung ki hei diñ ha chnong Molamanoh, East Jaiñtia Hills District.
Ha kani ka sngi ka 4 tarik da em ka yalang wa tbian wa pynlai da u President ka Khliehriat Block Congress Committee u Deibormi Syad wei da yoh leh yei klam wa tbian na ka President ka East Jaiñtia Hills District Mahila Congress Committee ka Jhanika Siangshai wa u Working President ka Khliehriat Block Congress Committee u Thynda Sana.
Waroh arngut da pynkynmoo ki wa ha kam ini i por ym emkaam wow yaklam Politics wei toh i por wow e yei kti yarap timun tidiang wow wyrai cha kiwa emkaam yarap.
Da ong ki leh wa la i e yarap man ki iwa khian leh, tangwa man ki iwa kordor wa i kyrkhu ya kiwa yoh pdiang wa kiwa kordor tam hakhmat yong u Kynrad.
Ha kani ka sngi da emlang u Working President ka Khliehriat Block Congress Committee u Piwell Shylla, u Gerald Phawa (Vice President ka Khliehriat Block Congress committee), u Bhalang Bang (Executive Member) wa kiwi kiwi.
