Ynne ka sngi, da i mynsien wa sñiawkhia, ka KSU Nangbah Unit da lai e yarap ko da i khyndaw bilat cha kawi na ki manyung wa chah ktah hei bor ka rymaw iwa da jia ha ka 24 tarik uni u bnai ha chnong Nangbah kawa haap hapoh ka Thadlaskeiñ C&RD Block West Jaiñtia Hills District.
Ka seiñ da dawa joor ko na ki bor wa toh u pait khamtam na ka Disaster Management Department yong ka sor jylla wa toh u e yarap smat cha waroh ki le tylli ki manyung wa chah ktah.
Ka seiñ da pyntip ko wa ha kini ki sngi wow wan daw lai mih ko cha kitai ki bor wa toh u pait yow dawa joor yow pynyoh ya ki laad yarap ya kiwa kam kitai ki manyung kiwa da chah ktah.
