Jowai: Ka Khasi Students’ Union-War Jaiñtia Circle kam chibynta wow yarap ya kawi ka manyung kawa da chem yei jia wa sñiawsih ha chnong Sohkha neidaw wa chah baam lut i yung ha i diñ haka miet ka 30-03-19.
Ka seiñ haka 3 tarik uni u bnai hapoh i yahkhmat u President u Laitphar Syngkrem wa u Finance Secretary u Kindly Khyriem da lai e yarap ki da ka tiñ sap yung waka song poisa yow yoh ki u thied ki tiar ki tar wow yarap ya ki wow chna biang ya iwa da dooh ki.
Ka seiñ da yachem ko leh ya ka Lucimai V Pohtam kawa man ka tre yung ha ka tai ka sngi kawa da sah ha i thaw ka Dahunmon Lamin Gashnga kiwa ym em thaw yong ki hi tangwa da jia noh iwa sñiawsih ya ki kamni, iwa man leh iwa dooh wa khroo ya ki.
Ka seiñ da kular ko leh wow yarap u yaklam wa ki bor sorkar yow yoh yarap smat ki.
Also Read: Baam lut i diñ ya iwi i yung hadien wa pdung u tadong LPG, lai e yarap ka JSU
Discussion about this post