Ka seiñ Meghalaya People United Front (MPUF) East Jaiñtia Hills District, ynne ka sngi da lai ko wow e yarap cha ka manyung ka Dymmai Nongtdu kawa wa da dooh yei yung hei diñ ha ka chnong Ladrymbai Dongwah iwa da jia ha ka 25-02-2022 heipor kamwa 2:00 waje i sngi heiwa i diñ da yoh i wow bam lut ya waroh iwa em hapoh katai ka yung.
Ha ini wa jia ym em wa jia wa sñiawsih ya kiwa hayung hasem katkam wa pyntip ka Dymmai Nongtdu tangwa i diñ da baan lut i ya waroh kamtæ da pynsñiaw yei sñiawngooh ya kiwa yahkhmat yong ka seiñ kiwa da wan chakhmat wow e yarap ha kam kini ki por.
Ha ini i lai e yarp da emlang u K. Blah, President MPUF EJHD, u D. Laloo President Seiñbei MPUF, heiwa neiliang yong ki da pynsñiaw ki yei sñiawsih ya ka manyung ka Dymmai kawa da maad ya ini i eh wa khlem dapoi pyrkhat.
Kani ka manbei toh kawa em 6 ngut ki khon wei man ko leh kam kawa khih mylla donhi, wei neiliang ka MPUF da e yarap ko da ki tiñ sap yung, ki tiar chet tiar baam deilang waka poisa. Deiwa kyntu leh ya kiwi ki seiñbhalang wow wan ki chakhmat wow e yarap kamjooh leh ya ki MDC wa ki MLA.
