Jowai: Ka seiñ Meghalaya People’s United Front-Laskeiñ Block Circle (MPUF-LBC) hapoh i yahkhmat u General Secretary yong ka, u Phrang Suiam ryngkat i emlang ki dkhot, ynnin ka sngi da lai e khublei Advance Christmas wa Advance New Year deiwa e yarap da u khoo ar churia, wa ki kymmor chiphaw tylli cha ka thaw ri khonswet ka NEIMA kawa em ha Sahsniang, West Jaiñtia Hills District.
Katkam wa yoo ka seiñ kani ka thaw kawa em 23 ngut ki khynnah dang emkaam chiboon i yarap liang wanang, katwa kamtæ da lai e yarap ko ya kani ka thaw deiwa kyntu leh ya kiwi ki bru wa pawkhmat wow kyruiñ cha kani ka thaw wow e yarap ya ka.
Ka seiñ da kyntu ko leh ya ki bru ka sorkar wow e yarap ya kam kini ki thaw kiwa em ha kylleiñ ka jylla.
Discussion about this post