Ka seiñ kiwa yah thuk-thuk kawa tip kam ka Tuber Biker’s & Tour Association (TB&TA) da pynman ko yaka Adventure Tour ynne deiwa lai cha Shnongpdein wa cha Dawki wei chwa wow leh yeini da lai e yarap ki da ki chuki 10 tylli cha ka Health & Wellness Center wa em ha Tuber Kmaishnong.
Ini i e yarap ka seiñ toh ka sien wa ar hawa pynman kam kani ka yah thuk-thuk jngai heiwa da dep e yarap cha ka thaw ri khynnah wa tip kam ka Ynniaw Thyndai Child Care Institute cum Councelling Center wa em ha Tuber Kmaishnong ha u snem 2021.
U Bida Kyndait, uwa man kam u President ka seiñ da klam u wa i e yarap ha kani ka Centre toh i yakrehlang waka sorkar hajrong ka thong krehkaam ka Association kawa ong “Join Hands Together For A Better Tomorrow”.
Da ong u wa najrong iwa booh ka sorkar ya kani ka thaw sumaar ha ka chnong toh u pynpliah chooh chooh i ya ka khnang wow neh yow sah iwa em ha ka chnong waroh kawi.
Ha ini i e yarap da emlang u Secretary, u Heimonme Phawa, u Vice Prisedent, u Wanthmu Phawa, u Waheh Chnong, u Micky Lyngdoh uwa da e khublei yaka seiñ wa da yarap sñiawbha cha kani ka thaw kamjooh leh ki kyntien kyrkhu kyrdoh.
Ha kani ka lai uiñ da em 42 tylli ki thuk-thuk deiwa emlang leh u Secretary Chnong, u Tellme True Phawa wa u Graham Lyngdoh, Waheh Chnong warim ka Tuber Kmaishnong.
Discussion about this post