Ka Sur U Paidbah East Jaintia Hills District ynne ka sngi da yoh ko wow lai e yarap cha ka manyung kawa da maad yeiwa sñiawsih deiwa chah baam i yung ki hei diñ iwa em ha chnong Iongkaluh iwa da jia ha ka 18 tarik u January uni u snem.
Heini i lai yarap da emlang u Everlast Nongtdu uwa man uwa seiñ ya kani ka seiñ deilang u Deibor Syad uwa man u Vice Chairman deiwa sakhi u Waheh Chnong ka Iongkaluh, u Cherity Suja wa ki kattu katni ki dkhot.
Ha kani ka yung da em 6 ngut kiwa chong wa sah wei i diñ da baam lut i ya waroh ki tiar ki tar wa em ha ini i yung.
Neiliang ka Sur U Paidbah da e yarap ko da ka song poisa wa Rs. 22,820 deiwa ong leh wa daw pteiñ yei e yarap cha ki paidbah wa maad yei eh i chitom wei yow kreh neibynta ki paidbah deiwa kyntu leh ya ki bor District wow leh ki iyi ræ iyi ya kiwa chem chitom.
Discussion about this post