Ynne ka sngi ka UHM-EJH hapoh i yahkhmat u President yong ka, u B. Siangshai da lai e yarap ko ya kawi ka manyung wa duna hei yoh i laa kawa em ha Mihmyntdu, West Jaiñtia Hills.
Da khana u wa kani ka yung da sah khonswet ko hadien wa khlaad ka bei ki khynnah wei da chem chitom bha ki khamtam wa em ki ar ngut wei kawi ka khon toh kawa em i duna ha i doh i pran kawa ym ye u yieñ u lai.
U Siangshai da ong u wa da wan e yarap ya ki katwa joh i bor yong ka seiñ da ki mar baam.
Da pyntip u leh wa ka seiñ kawa na East Jaiñtia Hills da wan ko cha West Jaiñtia toh wow e yarap neibhah ka seiñ chakri ko ya waroh kiwa emkaam ha kylleiñ ka Bri u Ynñiaw Trep.
Neiliang u Ma yong kani ka manyung da e khublei u ya ka seiñ wa da wan yarap ko ya ki pyrsa yong oo.
Discussion about this post