Jowai: Kat dang lai ki por ki sngi da sdang mih ki bru samen kiwa tia chaphrang wow e yarap kyllooid mynsien katwa ye wow pyndap pynbiang ya ki manyung wa dooh khamtam kiwa da chah ktah nadooh wa krehkaam ka Lockdown wow yakhun pyrchah ya ka khlam u COVID-19.
Ynne ka sngi ki le ngut na ka kur Dkhar kiwa na ka chnong Wapung Chnong wa kynthup ya u Yeslangki Dkhar, ka Rihaka Dkhar wa u Leini Dkhar da lai e yarap sñiawbha ki cha ki manyung wa dooh kiwa da chem chitom kam ha kini ki por.
Kini ki manyung toh kiwa da chah ktah nei khang ka Lockdown neibhah wa ymyoh de ki u lai khih lai kreh.
Kini ki le ngut da lai e yarap ki ha ki 82 tylli ki manyung ha Dong Wapung Tre, Wapungchnong, East Jaiñtia Hills.
Ya kini ki manyung da e yarap sñiawbha katwa joh i bor wa khian yong kini ki le ngut kiwa da e da u khoo wa u syllah.
Discussion about this post