Ka Indian Navy neipor cheipor da ye ko wow e yarap ya ki bru ha ki lieñ ki jhaad kiwa sih ha duriaw wei ha kani ka 11 tarik ka jhaad INS Talwar kawa em ha Gulf of Oman, da yoh ko ya ka yutip wa sih kawi ka jhaad kit mar (Merchant Cargo Ship) ka MV Nayan.
Kani ka jhaad toh kawa mih na Oman cha Iraq, wei da sih ki kor ko nadooh ka 9 tarik.
Hadien ini neiliang ka INS Talwar da lai e yarap ko ya ka MV Nayan, wei da phah ko ya ka Indian Naval Ship VBSS (Visit Board, Search and Seizure) wow e yarap ya kani ka jhaad.
Hapoh ka MV Nayan da em leh 7 ngut ki nong India kiwa kreh ha ka wei da ye u pynkrehkaam biang ya ki kor yong ka nadooh ki Generators, Steering Pump, Sea Water Pump, Compressor wa ka Main Engine.
Ki chipai da yarap ki leh wow pynkrehkaam biang ua ka GPS wa Navigation Lights chwa wa ka MV Nayan u ye ko u lai chaphrang cha i thaw wa thmu ko.
