Kam i dak wow yarap wei wow wyrai ya ki mynsien kiwa kordor ha ka imlang sahlang ha kam kini ki por wa maad yei eh. Neiliang ka NEIMA Jaiñtia Circle lyngba ki dkhot yong ka da lai e yarap ki yaka yung ri khonswet (Orphanage Home) wa em ha Sahsniang kawa pait wa sumaar yaki 22 ngut ki khynnah (chynrang 10 ngut wa kynthai 12 ngut).
Ha kani ka sngi ka NEIMA Jaiñtia Circle da yoh ko wow saam da ki marbaam wa pynemkaam man ka ka sngi kam u dai, phniang, moida, atta, chana mator, pylleiñ, chini, slacha, ki baam dihcha, salah, piat, ki jhoor, sabon sait that, sabon sum, dawai kyrchut lamieñ, Hand Sanitizer, Hand Wash wa kiwi won ki jaitbaam wa emkaam.
Neiliang ka NEIMA Jaiñtia Circle hapoh i yahkhmat yong ki waheh wa kynthup ya u C. Lyngdoh, Rev. PO Thubru, u P.L. Rymbai, u B. Suting wa u A. Sufan da pyndep ki wow e ya kitai ki yarap cha kiwa kitkaam yong ka Sahsniang Unit deilang wa i yarap yong ki House Mother wa kiwa pynlai ka Orphanage Home.
Neiliang ka NEIMA JC da e khublei ki kamjooh ya ka yung krehkaam yong u Deputy Commissioner West Jaiñtia Hills District uwa da chah wow e bor wow pyndep ya ki kaam yarap. Pynkut ka kyrwoh na u P.L. Rymbai Secretary ka NEIMA Jaiñtia Circle.
Discussion about this post