Ka Orphan Children Foundation (OFC) da pteiñ ko yei e yarap da ki marbaam hapoh i yahkhmat u Founder Chairman, u L. Dkhar heiwa ynnin ka sngi da lai e yarap sa ha ka chnong Nongkynrih, West Jaiñtia Hills District ya ki bru kiwa em i duna hei doh i pran.
Ha kani ka sngi da em ka yalang wa pynlai da u waheh chnong u, K. Tyngkan uwa da e khublei ya ka OCF kawa da ye u poi cha ka chnong neibynta wow pynyoh yarap ya ki bru wa man kyrpang hapoh ka chnong Nongkynrih.
U Founder Chairman ka OFC da batai u yei krehkaam ka seiñ kawa da e yarap marbaam, bai skur wei khamtam heipor wa kjut wa chitom ki khonswet wa kiwa man kyrpang khamtam kitu kiwa wan na ki yung ki sem kiwa dooh wei kiwa emkaam sakhiat yei yarap wei da ong u leh wa ka thong kawa hakhmat dooh yong ka Foundation toh yow pyndooh jait chi syndon ya kitu ki bru kiwa klam beiñ næ yoobeiñ ya ki bru wa sah khonswet wei khamtam ya kiwa em i duna wei da kyrpaad u leh ya kiwa yahkhmat chnong wow sñiawbha u ya krehlang waka Foundation khnang wo ye u pteiñ u yarap.
Da ong u leh wa lada ki khonswet maad ki yei eh, yei ki wow Phone cha ki Volunteer yong ka OCF khnang wa ka Foundation u ye ko wow leh yeiwa emkaam.
Ha kani ka sngi da em leh ka Volunteer ka OCF, ka R. Biam, u Office Secretary, OCF East Jaiñtia Hills u E. Dkhar, u Assistant Secretary chnong Nongkynrih, ki Asha wa kiwi de ki bru waheh ka chnong.
Discussion about this post