Hadien wa ka High Court ka Meghalaya da pynmih ko yaka hukum wa khaddooh haka 24-11-22 yong ka mukotduma PIL heiyatoh wa i chalan ya u moochuni cha baar ri heiwa da khang biang wow leh yeini da kitu kiwa em ya ka Minor Mineral License hadien wa ka Supreme Court leh da e bor ko ha ka High Court wow pynkut noh ya kani ka PIL.
Neiliang ka Meghalaya Steering Committee (Minor Mineral) Mining Lease License Holder da pyntip ko wa da em ki dkhot ko ha Delhi wow lai yakhun biang ya ini haka Supreme Court wei da pynkhreh ki ya waroh ki kot ki sla wa emkaam.
Da ong ki wa kani ka hukum wow khang yei khayi moochuni cha Bangladesh da ktah ko ya kiwa em ha ini i kaam nadooh kiwa mylla sngi wa kiwi kiwi de.
Kam wow pynkynmoo wa neiliang ka sorkar Meghalaya chwa ka rai khaddooh ka High Court haka 24-11-22, da dep lai kyrpaad ko hakhmat ka Supreme Court heiwa ka Supreme Court da pynsangeh ko ya ka hukum wow khang chalan moochuni deiwa e bor ya ka High Court wow chong bichaar khaddooh heiwa ka High Court da pynskem biang ko ya ka hukum wow khang yei chalan moochuni cha baar ri deiwa tih da ka Minor Mineral License neibhah wym ye u pyntikna yei rukom pynemkaam (End Use) u moochuni manda poi u cha baar ri, kamtæ emkaam wow em noh da ka Major Mineral License.
Kamtæ yow pynyap noh ya kani ka hukum ka Supreme Court ki dkhot ka Steering Committee da lai booh ki yaka Appeal hakhmat ka Supreme Court ynnin ka 30 tarik.
Puræ leh: Pynsangeh ka Supreme Court yaka hukum ka High Court wow khang yei chalan moochuni cha baar ri
